பிராமணாள் மெஸ் மட்டும் இல்லாமல் போனால் போதுமா?? இன்னும் நிறைய இருக்கு தோழர்களே!!

நாம் யார் எது சொன்னாலும் அது சரியா என பரிசோதித்து ஏற்பதையே பகுத்தறிவு என்கிறோம். மனிதனின் எண்ணம்,சொல் ,செயல் மூன்றும் ஒரே மாதிரி உள்ளவர்களே சரியாக இருப்பதாக சொல்ல இயலும். வெளிப்படையாக ஒரு நோக்கத்திற்காக  செயல் செய்வது ஒன்று , எதற்கோ செய்து விட்டு ஏதோ ஒரு விளக்கம் அளிப்பது மற்றொன்று.

எதற்கு இந்த அடித்தளம் சகோ என்கிறீர்களோ.  சில பகுத்தறிவுப் பதிவுகளில் "பிராமணால் மெஸ் " என பெயர் வைத்த கிருஷ்னய்யர் என்ப‌வரை கடையை மூடி ஓட வைத்ததை பெருமை பாராட்டி எழுதியதை படித்த விளைவுதான்.

அவர் பெயரே கிருஷ்னய்யரா அல்லது கிருஷ்னன் பெயரோடு சாதிப் பெயர் சேர்த்தாரா எனத் தெரியவில்லை.சாதிப்பெயர்  பெயரில் சேர்ப்பதோ,இல்லை நிறுவனங்களில் பயன்படுத்துவதோ தவிர்க்கப்பட வேண்டும் என்பதில் மாற்றுக் கருத்து இல்லை.சரி சாதிப் பெயரை எதிர்த்த நாத்திக தோழர்களுக்கு நன்றி சொல்லப்போகிறேனா என்றால் இல்லை. அவர்களின் விளக்கத்தில் நமக்கு நம்பிக்கை இல்லை.

சரி என்ன விள்க்கம் சொல்கிறார்கள்.

1. பிராமணர்,ஷத்ரியர்,வைசியர் ,சூத்திரர் என்பது வர்ணங்கள்.

2. இந்த வர்ணத்தில் இருந்தே அனைத்து சாதிகளும் உருவாகின.

ஆகவே வர்ணத்தை மட்டும் எதிர்க்கிறோம்.சாதிகளை எதுவும் சொல்ல மாட்டோம் என்கிறார்கள்.அதாவது கிருஷ்னன் "அய்யர் மெஸ் என்று பெயர் வைத்து இருந்தால் எதிர்க்க மாட்டோம்  என பூடகமாக சொல்கிறார்கள்.இது தெரியாமல் கிருஷ்னய்யர் இவர்கள் சாதியையே எதிர்ப்பதாக் தவறாக கருதி கடையை மூடி விட்டு போய் விட்டார்.

சாதிப் பிரிவுகள் எப்படித் தோன்றின என்பது குறித்த வரலாற்று ஆய்வாளர்களில் ஒருமித்த கருத்து இல்லை.
http://en.wikipedia.org/wiki/Caste_system_in_India
http://en.wikipedia.org/wiki/History_of_the_Indian_caste_system

The origins of the Jati caste system are lost in history and folklore. Many scholars believe that the modern Jatis represent ancient tribal and occupational affiliations that have evolved and specialised over time. A question had remained whether or not castes are genetically distinct, and whether genetic differences between groups might partly explain their origin. These genetic studies have so far failed to achieve a consensus, possibly because of the developing nature of genotyping science and technologies.^[1][2]

வர்ணம் என நான்கு பிரிவுகளில் இருந்தே  அனைத்து சாதிகளும் தோன்றின என எப்படி சொல்கிறர்கள் என நமக்கு புரியவில்லை.பண்டைய புராணங்கள் மட்டுமே அப்படிக் குறிப்பிடுகின்றன.அதை ஏற்கலாமா?? அம்பேத்காரின் ஆய்வுகளின் படி அசோகரின் ஆட்சிக்குப் பிறகு வீழ்த்தப்பட்ட பவுத்த சம‌யத்தினரே தலித் ஆகிறார் என குறிப்பிடுகிறார்.

நம்க்கு வரும் கேள்விகள்

1.இந்தியாவில்[தமிழ்நாட்டில்] உள்ள அனைத்து [அல்லது பெரும்பான்மையான] சாதிகளும் ஏதோ ஒருவகையில் நான்கில் ஒரு வர்ணத்தோடு ஐக்கியப்படுத்திக் கொள்கிறார்களா?

2. பல சாதிகளின் பெயர்கள்,மொழிகள் மாறி வந்துள்ளன.வர்ணம் மாறாமல் அனைத்து சாதிகளுமே எப்போதும் தொடர்கின்றனவா?

குறிப்பாக அரசர்கள் பலரின் சாதியோ,வர்ணமோ கூட சரியாக அறியமுடிவது இல்லை.

நம்மைப் பொறுத்த வரை சாதி என்பது அகமண முறை கொண்ட இனக்குழுக்கள்.

முதலில் வலிமை கொண்ட இனக்குழுக்கள் ஆட்சியைக் கைப்பற்றி ,தங்கள் வசம் போர்,சட்டம் ஒழுங்கை வைத்த்ன. மதகுருக்கள் ஆள்பவனுக்கு சாதகமாக புராணக் கதைகள் கதைகள் எழுதி இன்னும்  ஆண்டவன் அவன் அனுப்பிய புருஷன் என புகழ் பாடினர்.

ஆகவே இனக்குழுக்கள்  வர்ணமாக வகைப்படுத்தப் பட்டு இருக்கலாம் என்பதே நம் கருத்து.சாதி உய‌ர்வு தாழ்வு வர்ணத்தினால்(திணிக்கப்பட்ட தொழிலினால்) வந்தது.

சாதி ஒழிய வேண்டும் எனில் சமுகத்தில் பெரும்பான்மை கலப்பு திருமணங்கள், தத்து எடுத்தல் மட்டுமே தீர்வு தரும்.

சரி சாதியின் வரலாறு குறித்து இன்னொரு சமயம் அலசுவோம்.

அதாவது வர்ணம் என்னும் தொழில் சார்ந்த விடயத்தை ஒழித்தால் சாதி உயர்வு தாழ்வு ஒழியும் என்பதை கொள்கை அள்வில் ஏற்கிறோம்.

ஆனால் பிராமணாள் மெஸ் மட்டும் ஒழித்தால் போதுமா? இதோ இன்னும் இரு வர்ணங்கள் தருகிறோம்.

திரு விஜயகாந்த் நாயகனாக நடித்து. மறைந்த திரு திலகன் நடித்து "சத்ரியன்" என ஒரு திரைப்படம் வந்தது. யாரும் எதிர்ப்பு தெரிவிக்கவில்லையே!!

ஆண்ட பரம்பரை என கூறும் சாதித்த்லைவர்களை யாரும் கண்டிக்கவில்லையே!!

பல் சாதியினர் தங்கள் வர்ணத்தையும் சேர்த்து புகழ் பாடுகிறார். அதை என்ன செய்வது?

சரி கரூரில் கரூர்வைஸ்யா வங்கி உண்டு.இதுவரையில் யாரும் போராட்டம் நடத்தவில்லையே!!!

இந்தியா முழுதும் வைஸ்யா வங்கியும் உண்டு.இங்கும் அப்படித்தான்.


ஆகவே  ஒரு ஆதிக்க சாதியினர் இன்னொரு ஆதிக்க சாதியை எதிர்ப்பது சாதி ஒழிப்பு அல்ல!!!

ஆகவே பிராமணாள் மெஸ் எதிர்த்த தோழர்களே ,என்ன செய்யப் போகிறீர்கள்!!!!!!!!



இராமன் பரசுராமன் மோதலில் சம்புகனுக்கு என்ன இலாபம்!!!!!!!!!!!!!!

சாதிப்பெயர் அனைத்திலும் தவிர்ப்போம். 

டிஸ்கி:
பரிணாமத்தின் படி மனித இன‌மே ஆப்பிரிக்க குரங்கு வகைகளில் இருந்து பரிணமித்து உலக முழுதும் பரவியவையே.ஆகவே மரபணுரீதியாக அனைவருக்கும் தொடர்பு உண்டு. இன்னும் தமிழக,இந்திய  சாதியினரிடையே நடத்தப்பட்ட பல மரபணு ஆய்வுகளின் படியும் வர்ண ரீதியான முடிவுகள் எட்டப்படவில்லை.
அனைவரும் முடிந்தால் இந்த ஆய்வுக் கட்டுரைகளை படிக்க வேண்டுகிறேன்.
http://www.ias.ac.in/jgenet/Vol87No2/175.pdf

Thus, the caste populations of Tamil Nadu are characterized by a high levels of heterozygosity and almost similar allele frequency profiles. This suggests that these populations might have a common ancestry or probably experienced very high gene flow during the period of their coexistence. The above finding is substantiated by moderate genetic differentiation irrespective of the social diversity of the caste groups
and their varying migration periods.

http://blogs.discovermagazine.com/gnxp/2011/03/genetics-as-the-myth-buster-indian-edition/
ஆகவே வர்ணப்பிரிவு என்பது இல்லை அல்லது மாறிவிட்டது.

நன்றி