விவேகானந்தர்,மோடி, அதீத பரப்புரை அபாயம்!!

வணக்கம் நண்பர்களே,

விளம்பர பரப்புரை என்பது மனித சமூக வாழ்வின் நிகழ்வுகளில் தவிர்க்க இயலாதவை.விளம்பரம் இல்லா பொருளை விற்க இயலாது என்பதை நாம் அறிவோம்.பொருள்களுக்கு மட்டும் அல்லாமல் அரசியல்,மதம் போன்ற கருத்து பிரச்சாரங்களுக்கும் இன்றியமையாதது என்பதையும் நாம் அறிவோம். சில மிகைப்படுத்தப்பட்ட அதீத பிரச்சாரங்கள் எதிர்மறையான விளைவுகளை ஏற்படுத்தும் என்பதை இப்பதிவில்  இரு எ.கா மூலம் அறிவோம். 

திரு விவேகானந்தர் பற்றிய ஒரு தமிழ் மண பரப்புரை பார்ப்போம். இதில் அமெரிக்கா சென்று வரும் போது கப்பலில் இந்துமதத்தை விமர்சித்த இரு மாற்று மதப் பிரச்சாரகர்களை கடலில் தூக்கி எறிந்து விடுவேன் என விவேகானந்தர் கொலை மிரட்டல் விடுத்தார் என்பதுதான் அப்பதிவு.

இன்னொரு முறை என் மதத்தைப் பற்றி நீங்கள் தவறாகப் பேசினால்,............................

இதற்கு சான்றாக பதிவு ஆசிரியர் எதையும் குறிப்பிடவில்லை.இக்கதை சில ஆண்டுகளுக்கு முன்பே ஒரு ஆர்.எஸ்.எஸ் அமைப்பில் ஈடுபாடுள்ள நம் கல்லூரி அறை நண்பர் சொல்லி இருக்கிறார். அவர் இன்னும் திரு விவேகானந்தர் எந்த புத்த்கத்தை சீக்கிரம் ஒருமுறை படித்தாலே மனனம் செய்வார், கடும் பிரம்மச்சர்யம் காத்த‌மையால்,யோகாவினால் விந்து வெளியேறாமல்  தலைக்கு குண்டலினியாக ஏற்றியதன் விளைவாக ஏதோ பாதிப்பு ஏற்பட்டு இறந்துவிட்டார் என்றும் நண்பர் கூறி இருக்கிறார்.

சரி விவேகானந்தர் மாற்று மத பிரச்சாரகர்களுக்கு கொலை மிரட்டல் விடுத்தார் என்பது கட்டுக் கதை என்பதே நம் கருத்து. ஏன் எனில் சில வாதங்களை முன் வைக்கிறேன்.

1. மாற்று மதங்களை விவேகானந்தர் காலத்தில் விமர்சித்தது ப்ரோட்டஸ்டன்ட் மிஷனரிகளாக மட்டுமே இருக முடியும்.

2. விவேகானந்தருக்கு பைபிளில் நல்ல புலமை உண்டு. பிரச்சாரங்களை மத புத்த்கங்களில் சரிபார்க்கும் எவரிடமும் ,ஆபிரஹாமிய மத பிரச்சாரகர்கள் அருகில் வரமாட்டார்கள் என்பது நம் சொந்த அனுபவம். நம் பதிவுகளில் பல விவாதங்களில் இது நன்கு புலப்பட்டு இருக்கிறது.

அதுவும் இல்லாமல் விவேகானந்தர் கிறிஸ்துவின் நகல்[imitation of christ] என்னும் 14 ஆம் நூற்றாண்டு கத்தோலிக்க ஆன்மீக விளக்க புத்த்கத்தை பெங்காலியில் மொழியாக்கம் செய்தவர்.

https://en.wikipedia.org/wiki/The_Imitation_of_Christ

Swami Vivekananda, the 19th Century Hindu Philosopher and founder of Vedanta Society, drew a number of parallels between the teachings of the Imitation and the Bhagavad Gita. Vivekananda wrote apreface and a translation of the Imitation in 1899.^[59] Vivekananda would always carry a copy of the Bhagavad Gita and the Imitation.^[60] Spiritual writer Eknath Easwaran compared the teachings of theImitation with the Upanishads.^[61]

விவேகானந்தர் கற்று அறிந்த புத்தகங்கள்.

http://www.vivekananda.net/biographical/BookHeRead.html

மதங்கள் பொதுவாக இருவகையில் விளக்கப்படும். முதல் வகை இயற்கைக்கு மேம்பட்ட ,சக்தி கொண்ட கடவுள் ,வணங்குவோருக்கு நன்மையும்,வணங்காதோருக்கு தீமையும் அளிப்பார்.இதை செய்,செய்யாதே என கட்டளைகள் உண்டு.

இரண்டாம வகை மனிதன் கடவுளின் ஒரு பகுதி,அதனை உணர,இன்னும் வளர  சில [யோகா போல்]பயிற்சிகள் என சுயத்தை கட்டுப்படுத்தல்,உண‌ர்தல் அதிகம் உண்டு.இந்துமத பிரம்ம சமாஜ்,விவேகாந்தரின் வேதாந்த கருத்தாக்கம் இப்படி சொல்கிறது. இஸ்லாமின் சூஃபியியம் கூட ஒரு அளவுக்கு இப்படி சொல்லலாம்.

இரண்டாம் வகை இறையியலை கிறித்தவத்தில் அப்படி ஒரு வாழ்வியலாக  விளக்கும் புத்தக்ம்தான் கிறிஸ்துவின் நகல் என்னும் புத்தகம். அதனை விவேகானந்தர் மொழி பெயர்க்கும் போது ஒத்த கருத்துகளை ,கீதை,உபநிஷத்துகள்,புராணம் போன்றவற்றில் மேற்கோள் காட்டுவது ,ஒப்பீட்டு இறையியலில் அவருக்கு இருந்த புலமை அளப்பரியது என்பதைக் காட்டுகிறது.

https://en.wikisource.org/wiki/The_Complete_Works_of_Swami_Vivekananda/Volume_9/Writings:_Prose_and_Poems(Original_and_Translated)/Footnotes_to_The_Imitation_of_Christ

17. There is then no peace in the heart of a carnal man, nor in him that is addicted to outward things, but in the spiritual and devout man. (The Imitation of Christ V.2.)

Swami Vivekananda's Footnote: Bhagavad-Gita 2.60

यततो ह्यपि कौन्तेय पुरुषस्य विपश्चितः ।
इन्द्रियाणि प्रमाथीनि हरन्ति प्रसभं मनः ॥

Publisher's Translation: The turbulent senses, O son of Kunti, violently carry away the mind of even a wise man striving after perfection.

அப்படிப்பட்ட அவர் விமர்சனங்களுக்கு அறிவு சார் விளக்கம் கொடுக்காமல் கடலில் தூக்கி எறிவேன் என் கொலை மிரட்டல் விடுத்தார் என்பது ,திரு விவேகானந்தரை இழிவு படுத்தும் செயல் மட்டுமே!!!

மதம் பற்றியோ,புத்தகங்கள் பற்றி எதுவும் அறியாமல்,பெருமித பிரச்சாரம் செய்வது எதிர்மறையான விளைவுகளையே ஏற்படுத்தும்.

**

2. திரு நரேந்திர மோடி மீது நமக்கு எந்த வித வெறுப்பு கிடையாது. சில சமயம் பாராட்டியும் பதிவு எழுதி இருக்கிறோம் என்றாலும் சமீப காலமாக பல சர்ச்சைகளில் அடிபடுவதை விமர்சிப்பதை தவிர்க்க இயலவில்லை.இப்போது திரு மோடி வரும் தேர்தலில் பாஜகவின் பிரதமர் வேட்பாளர் ஆகும் வாய்ப்பு இருந்தாலும், கட்சியின் உள்ளும்,வெளியிலும் அதீத எதிர்ப்பினையும் சந்திக்கிறார்.

அவருக்கு விளம்பரம் செய்கிறேன் என ஆதரவாளர்களின் சில செயல்கள் திரு மோடியை காமெடியன் ஆக்கி விடும் போல் தெரிகிறது.

https://www.youtube.com/watch?v=LrQELIC81bE

மதுரை வீரனின் திரு டி.எஸ்.பாலையாவின் நகைசுவையை விட மோடியின் உத்தரகாண்ட் வீரதீர சாகசம் இன்னும் நமக்கு கிச்சு கிச்சு மூட்டுகிறது.


இன்னொரு நகைச்சுவை!!!!!!!!!!!!!!!!

இலங்கைக்கு தாரை வார்த்த கச்சத் தீவைக் கூட திருப்பி வாங்குவது கடினம்,இதில் ம்ம்ம்ம்ம்ம்ம்ம்ம்ம்ம்ம்ம்ம்ம்ம்ம்ம்!!!

புதிய நாடுகள் உருவாதல்,சில நாடுகள் இணைதல் பன்னாட்டு நிறுவங்களின் சுரண்டலுக்கு ஏதுவாக இருந்தால் மட்டுமே!!!

இதில் மோடியும் தன் பங்குக்கு சில விளம்பரம் செய்வது இன்னும் அதிக நகைச்சுவை. 2002 ல் நடந்த கோத்ரா கலவரம் உள்ளிட்டு, குஜராத மாநில முஸ்லிம்களின் பிரச்சினை குறித்து அவர்களோடு கலந்துரையாட‌ல் என 175 முஸ்லிம் பிரதிநிதிகளோடு உரையாடி,அதில் அய்யா அப்துல் கலாமையும் கூட சேர்த்து வித்தை காட்டியதால் அதிக நகைச்சுவை ஆகி விட்டது.

http://www.ndtv.com/article/india/narendra-modi-is-shown-presentation-on-2002-riots-in-gujarat-386046

கோத்ரா குறித்து இதுவரை அதிகம் அலட்டிக் கொள்ளாத மோடி திடீர் என மத சார்பற்றவர் ஆக முயற்சிப்புதற்கு செய்யும் முயற்சி என எவருக்கும் புரியாதா!!!

குஜராத்துக்கு வெளியே வர வேண்டும் என்றால் மத சார்பற்றவர் என் சான்றிதழ் வேண்டும் என்பதாலும், சென்ற பதிவில் கூட அத்வானி ஜின்னா பிராண்ட் சோப் போட்டு குளித்து மத சார்பற்றவர் ஆன இரகசியம் அறிந்ததால் மோடியும் மத சார்பற்றவர் ஆகியே தீருவேன் என அடம் பிடிப்பதை நாம் அறிந்து மோடிக்கு இன்னும் சில ஆலோசனைகள் வழங்குகிறோம்.


எளிதில் மத சார்பற்றவர் சான்றிதழ் வாங்குவது எப்படி????

1. பாகிஸ்தான் பிரதமர் நவாஸ் ஷெரீஃப் ஐ குஜராத்துக்கு அழைத்து மோடியை  பாராட்ட‌ சொல்லலாம். குடும்பத்டுடன் அழைத்து தாஜ் மஹால் சுற்றிக் காண்பித்து விருந்தளிப்பதாக கூறினால் ஒத்துக் கொள்வார். ஏற்கெனவே முசாரஃபுக்கு இப்படித்தான் செய்தோம் இங்கே வந்து மீண்டும்ஒரு ஹனிமூன் கொண்டாடி கார்கிலில் பிரச்சினை செய்தார் ஹி ஹி!!

2. பாகிஸ்தான் அல்லது வங்கதேசம் சென்று ஏதேனும் ஒரு அமைப்பிடம் மத சார்பின்மை விருது பெறலாம்.

3. ஜின்னாவை பாராட்டி புத்தகம் எழுதலாம்.[ஜஸ்வந்த் சிங் புத்தகத்தை விட தூள் கிளப்பனும்].

4. இஸ்ரேலை திட்டி அறிக்கை விடலாம்.

5. புத்தகம், திரைப்படம் தடை செய்யலாம்.[இதற்கு விசுவரூபம் தடையில் தமிழக அரசு நடந்த விதம் பற்றிய அறிய வேண்டும்]

6.மாறு வேடத்தில் தமிழ் நாடு வந்து இரு திராவிட கட்சிகளிடமும் எப்படி சிறுபான்மையினருக்கு எதுவும் செய்யாமலேயே அவர்களிடம் நல்ல பெயர் எடுப்பது,ஓட்டு வாங்குவது எப்படி என பயிற்சி எடுக்கலாம்.

***

நம்மைப் பொறுத்தவரை திடீரென ஒரு மாற்றம் பெரும்பாலும்  எதிர்பார்க்கும் விளைவுகளைத் தராது.இந்த அதீத பிரச்சாரங்களும் அப்படியே!!!

வரும் தேர்தலில் நகைச்சுவைக்கு பஞ்சம் இருக்காது என மட்டும் சொல்ல முடியும்.

பாஜக 200+ இடங்களுக்கு மேல வென்றால் கூட மோடி பிரதமர் ஆவது கடினம் என்பதும்,சிறந்த ஆட்சி, திடீர் மத சார்பின்மை என்னும் மோடி ஆதரவு  பிரச்சாரங்கள் எந்த அளவு  எடுபடும் தேர்தல் முடிவுகளில் தெரியும்.

நன்றி!!!!!!!!!!!!!!