குழு கணிதம்: பரிணாமத்தின் அடிப்படை பகுதி.1

வணக்கம் நண்பர்களே,

நாம் பரிணாம சிந்தனையாளர் என்ற வகையில் அது குறித்து கற்கும் விடயங்களை தமிழ் பதிவுலகில் பகிர்ந்து வருகிறோம். பரிணாமம் என்பது 350 கோடி ஆண்டுகளுக்கு முன் உருவான ஒரு செல் உயிரில் இருந்து ... 2 இலட்சம் ஆண்டுகளுக்கு முன் பரிணமித்த மனிதன்(ஹோமோ சேஃபியன்) வரை கோடிக் கணக்கான உயிரிகளின் வரலாறு.

பரிணாமத்திற்கு அறிவியல் உலகில் ஒருமித்த ஏற்புக் கருத்து இருந்தாலும், பொதுமக்களிடையே இதன் ஏற்புத்தன்மை அவர்களின் மதம்சார் நம்பிக்கை அடிப்படையில் வேறுபடுகிறது. அறிவியல் என்பது சான்றுகளின் மீதான விளக்கம் என்பதைப் புரிந்தால் பரிணாமத்தையும் ஏற்பதில் சிக்கல் இல்லை.

அறிவியல் ஒவ்வொரு நிகழ்வையும் ,அதன் காரணிகளாக பகுத்து , அவற்றின் இடையே தொடர்புகளை வரையறுத்து விளக்க முனைகிறது. தொடர்ந்து கிடைக்கும் சான்றுகளின் அடிப்படையில் இந்த விதிகள்,விளக்கம் மாறலாம்.அறிவியலின் அடிப்படை சான்றுகள் சான்றுகள் சான்றுகள் மட்டுமே!!.

இப்போது நாமாகவே ஏதோ ஒன்றை கற்பனை செய்து கொண்டு அதற்கு சான்றுகள் தேடுவது மிகக் கடினம்.கிரக நிலைகளுக்கு ஏற்ப மனிதனின் வாழ்க்கை சூழல் மாறுகிறது என்பதே சோதிடத்தின் அடிப்படை. இதற்கு சான்றுகள் உன்டா என நிரூபிப்பது மிக கடினம். சிலர் 'அ' சோதிடர் 'க' முறைப்படி சொன்னது எனக்கு பலித்தது என்பார். சிலர் பலிக்கவில்லை என்பார்.  தர்க்க ரீதியாக[Logical reasoning] சில விவாதங்கள் செல்லும் என்றாலும் அது முடிவுக்கு வராது.ஆகவே நாம் எப்போதும் சான்றுகள் அடிப்படையிலான விவாதங்களையே விரும்புகிறோம்.

இப்போது நிரூபிப்பதின் சிக்கல் புரியும். எனினும் இந்த எ.கா கூறியது இதில் இருந்து குழு கணிதம் என்பதை ஆரம்பிக்கவே.

ஒரு குழு [எண்கள்,உயிரிகள்,பொருள்கள்] போன்றவற்றின் மீது ஒரு செயல் சூழல் சார்ந்து என்ன விளைவை ஏற்படுத்துகிறது என்பதே குழு கணிதம். பரிணாமம்,மேலாண்மையியல் உள்ளிட்டு பல பயன்பாடுகள் உள்ள துறை இது.

ஒரு பொருளை புதிதாக தயாரித்து வெளியிட்டால், அது எப்படி ஏற்கப்படும் என சில கருத்துக் கணிப்பு செய்து அதன் அடிப்படையில் அப்பொருளைத் தயாரித்து வெளியிடுவது நாம் அறிந்ததே.இப்படி பல விடயங்கள் நமது வாழ்வின் பயன்பாட்டில் இருந்தாலும் நாம் அதனை உணர்வது இல்லை.

பரிணாம எதிர்ப்பு மதவாதிகள் கணிதரீதியாக அதிகம் விமர்சிப்பது இல்லை.கிரியேசன் ரிசர்ச் இதற்கும் சில ஆய்வகம் வைத்து ,சில ஆய்வுக் கட்டுரைகள் வெளியிடுகின்றனர். இதில் வில்லியம் டெம்ஸ்கி பல கட்டுரைகள் எழுதி இருந்தாலும சான்றுகளின் அடிப்படையில் நிராகரிக்கப் பட்டன.

**
குழு கணிதம் பரிணாமத்தில் குழு மரபியல் (கணிதம்)[Population genetics] எனப்படுகிறது.

http://en.wikipedia.org/wiki/Population_genetics

Population genetics is the study of allele frequency distribution and change under the influence of the four main evolutionary processes: natural selection, genetic drift, mutation and gene flow. It also takes into account the factors of recombination, population subdivision and population structure. It attempts to explain such phenomena as adaptation and speciation.

Population genetics was a vital ingredient in the emergence of the modern evolutionary synthesis. Its primary founders were Sewall Wright, J. B. S. Haldane and R. A. Fisher, who also laid the foundations for the related discipline of quantitative genetics.

Traditionally a highly mathematical discipline, modern population genetics encompasses theoretical, lab and field work.

குழு மரபியல் கணிதம் என்பதை , ஒரு ஜீனின் மாற்ற வீதம்[allele frequency] பரிணாம காரணிகளான் இயற்கைத் தேர்வு[natural selection], சீரற்ற மரபு விலகல்[Random genetic drift],ஜீனோம் மாற்றம்[mutation],மற்றும் ஜீன் ஓட்டம்[gene flow] ஆகியவற்றால் எப்படி மாறுகிறது என்பதாகும்.இது ஒரு உயிரி,சூழலுக்கு ஏற்ப தகவமைத்த‌லையும்[adaptation], பல சிற்றினங்களாக[speciation] பிரிதலையும் நன்கு விளக்குகிறது.இன்னும் ஒரு முக்கிய விடயம் குழும்ரபியல் ஒரு உயிரிக் குழுவின் உள் நடக்கும்  சிறுமாற்றங்கள் அதாவது சிறு பரிணாமம்[micro evolution]  பற்றியே அதிகம் விளக்குகிறது.

குழு மரபியலுக்கு தேவையான பரிணாம அடிப்படைகள் ஏற்கெனெவே கற்று இருக்கிறோம். அச்சுட்டிகளும் இப்பதிவில் கொடுத்து இருக்கிறோம். 

இயற்கைத் தேர்வு நமக்கு நன்கு பரிச்சயமான விடய்ம்தான், சூழலுக்கு பொருந்தும் மாற்றங்கள் பரம்பரைரீதியாக கடத்தப் படும்.

பரிணாம செயலாக்கம் பற்றிய கேள்விகளும் பதில் விளக்கங்களும்

சீரற்ற மரபுவிலகல்:  இது ஜீனோம் மாற்றத்தில் சூழல் சாராத சீரற்ற மாற்றம், ஒரு குழுவில் எப்படி ஜீனோம் ரீதியாக வித்தியாசங்கள் ஏற்படுகின்றன என்பதை கூறுகிறது.

http://aatralarasau.blogspot.com/2012/07/part-1.html

ஒரு உயிரி சில சிற்றினங்களாக பிரிதலும் ஏற்கெனவே விவாதித்து அறிந்து இருக்கிறோம்.

ஒரு உயிரினம் இன்னொரு உயிரினமாக மாறுமா? சான்று உண்டா!!!!!!!!!!!! 

பரிணாமம் பற்றி ஒரு தொடர் எழுத வேண்டும் என நெடுநாள் ஆசை உண்டு. கொஞ்சம் வித்தியாசமாக கணிதம் சார்ந்தே எழுத வேண்டும் என ஒரு முயற்சி. இதனை விமர்சித்து நல்வழிப்படுத்த நம் பதிவை தொடர்ந்து படிக்கும் நண்பர்களை வேண்டுகிறேன்.

நன்றி!!!

(தொடரும்)