எகிப்தில் உயிரின் விலை மிக மலிவு!!!

வணக்கம் நண்பர்களே,

மனிதர்கள் அனைவரும் மகிழ்சியாக, சுற்றம் நட்போடு சகல வளங்களும் பெற்று வாழ விரும்புகிறோம். வாழும் நாடுகளின் சூழல், இயற்கை வளங்கள் சார்ந்து பொருளாதார,சமூக ஏற்றத் தாழ்வுகள் இருப்பது கண்கூடு. இந்த ஏற்றத் தாழ்வுகளை நீக்கி அனைவருக்கும் குறைந்த பட்ச வாழ்வாதரம்,சமூகப் பாதுகாப்பு, இயற்கை சூழல் மேம்பாடு என்பதை நோக்கி போராடும் எவரையும் நாம் ஆதரிக்கிறோம். இது அல்லாமல் சர்வாதிகாரப் போக்கில் ஆட்சி நடத்த, [மத] சட்டங்களைப் பயன் படுத்தி மனித உயிர்களை கொல்லும் எதனையும் எதிர்க்கிறோம்.

மத்தியக் கிழக்கில் தினமும் உயிர்கள் இன மோதல்,அரசுக்கு எதிரான போராட்டம் என உயிர்கள் பலியாவது ஒரு வழக்கமான நிகழ்வு ஆகிவிட்டது.ஆனால்  எகிப்து நாட்டில் நடந்த சில நிகழ்வுகளில் உயிர்கள் பலியானது கொஞ்சம் வித்தியாசமான விடயம்.இப்படியும் நடக்கிறதே என்ற வருத்தத்தோடு இத்னைப் பகிர்கிறோம்.

http://www.aljazeera.com/news/middleeast/2013/01/2013126174935450251.html

கடந்த வரும் பிப்ரவரி 1,2012ல் எகிப்து கெய்ரோவில் நடந்த கால்பந்து போட்டியில் இரு அணிகள்[Port Said-based al-Masry and the Cairo-based al-Ahly.] மோதின‌.

இதில் அல்‍_மேஷ்ரி வெற்றி பெற்றதும் ,அல்_மேஷ்ரி ஆதரவாளர்கள் எதிர் குழுவான அல்_அஹ்லி ஆதர்வாளர்களை கடுமையாக மைதானத்தில் தாக்க ஆரம்பித்தனர். இந்த மோதலில் 74 பேர் இறந்தனர்.

காவல்துறையால் வன்முறையை கட்டுப் படுத்த முடியவில்லை, சில நாட்களுக்கு கெய்ரோவில்  தொடர்ந்த வன்முறை, போராட்டங்களுக்கு  பின் 73 பேர் கைது[ எப்புடி ஒரு உயிருக்கு ஒரு உயிர் 74 பேருக்கு 73 பேர்!!] செய்யப் பட்டனர்.நேற்று இதற்கான நீதி மன்றத் தீர்ப்பு வழங்கப்பட்டது . இதில் 21 பேருக்கு மரண தண்டனை வழங்கப் பட்டது. மீதி 52 பேருக்கு மார்ச் 9,2013ல் வழங்கப்படும்.

இந்த தீர்ப்பு வந்ததும் கொலை செய்யப்பட்டவ்ர்களின் குடுமப்ங்கள் மகிழ்ச்சி தெரிவித்து கொண்டாட, தண்டனை வழங்கப்பட்டவர்களின் குடும்பங்கள் கொதித்து சிறைச்சாலையை தாக்கி  அதில் காவல் துறை சுட்டு 30 போராட்டக்காரர்களும் ,2 காவல் அதிகாரிகளும் பலி ஆயினர்!!.

சரி இது இப்படி இருக்க ,சர்வாதிகாரி முபாரக் ஆட்சியின் மீதான வெறுப்பினால் ஆட்சிக்கு வந்த முஸ்லிம் சகோதரத்துவ கட்சியின் மோர்ஸி இதனை உணராமல் மத சார்ந்து அரசியல்மைப்பை மாற்ற முயல்கிறார். இதனை எதிர்க்கும் பொதுமக்கள் மேல் வன்முறை பிரயோகிக்கப் படுகிறது. இதிலும் சூயஸ் ல் நடந்த போராட்டத்தில் 7 பேர் இறந்தனர். முபாராக்கிற்கு எதிராக புரட்சி வெடித்து இரு ஆண்டுகள் ஆகி நிலைமை மோசமான‌து மட்டுமே மிச்சம்!!

http://www.aljazeera.com/news/middleeast/2013/01/201312651337922261.html

நான் சொல்வது என்ன?

1. விளையாட்டு என்பதை விளையாட்டாக பார்க்கத் தெரியாத சமூகங்கள். இருப்பது சரியல்ல!!. இந்தியாவிலும் சில நடந்து இருக்கிறது.ஆயினும் இந்த அளவு இல்லை. சிறு நாடுகளில் சிறு பிரச்சினையும் அதிக உயிர்களை பலியாக்குகிறது!!. விளையாட்டு வினையாகக் கூடாது!!

2. கலவரத்தை அடக்கத் தெரியாத காவல்துறை சரியாக குற்றவாளிகளை கைது செய்ததாம்!. அதுவும் சரியாக 74 பேருக்கு 73 பேர்.[ கண்ணுக்கு கண்,பல்லுக்கு பல்,உயிருக்கு உயிர், இறைவனின் சட்டமாம்!!]

3. இதற்கு உயிர் இழந்தவர்களின் குடும்பங்களை சமாதானப் படுத்தவே இத்தண்டனை. அதனையும் கொண்டாடுகிறார்!!. மனித நேயம் வாழ்க!!

4. தண்டனை வழங்கியவர்கள் குடும்பத்தினர், இன்னும் இருக்கும் சட்ட வழிகளை [மேல் முறையீடு உள்ளது!!]பின்பற்றாமல் சட்டத்தை கையில் எடுத்து அதிலும் 30 பேர் பலியாக உயிர் என்பது விளையாட்டா?

உயிர் இழந்த அனைவருக்கும் நம் அஞ்சலி!!. எகிப்தில் அமைதி திரும்பட்டும்!

இப்படி நடக்கும் நாடுகளின் வழியில் இந்தியாவை கொண்டு செல்ல விரும் நம் சகோக்களை பார்த்து நகைக்க மட்டுமே முடியும். இந்தியாவின் 120 கோடி மக்கள் தொகையில் 10000ல் ஒருவர் கொலை குற்றவாளி என்றால் கூட

வருடத்தில் 120,000 கொலைகள் நடக்கும் வாய்ப்பு ஆனால் அப்படி இல்லையே!!

நம் மக்களின் இயல்பு அப்படி, அதற்காக அனைத்துமே நம் சமுகத்தில் சரி என்பது அல்ல,சாதி,மத ,இன உயர்வு தாழ்வு,ஒடுக்குமுறைகள், பொருளாதார பிரச்சினைகள்,ஊழல் உண்டு அதனை நம் மக்கள் பொறுமையாக சகித்து ஜனநாயக முறையில் மட்டுமே மாற்ற முயல்கிறார்.

நாம் சமூகத்தில் நடக்கும் தவறுகளை ஒத்துக் கொண்டு அதற்கு சட்டங்களுக்கு உட்பட்ட வகையில் தீர்வு காணவேண்டும். வேண்டிய சட்டத் திருத்தங்களுக்கும் ஆக்கபூர்வமான விவாதங்கள்,விளக்கம் ,மக்களின் பங்களிப்பு சார்ந்து முன் எடுத்து நாகரிக மக்களின் இந்தியா அமைப்பதே நம் கடமை!!.

நம் நாட்டின் அரசியலமைப்பு சட்டம் அமலுக்கு வந்த குடியரசு தினத்தில் இதனை உறுதி எடுப்போம்!

அனைவருக்கும் உலகின் மிகப் பெரிய ஜனநாயக,மதசார்பற்ற இந்தியா நாட்டின்  குடிமகனாக பெருமை கொண்டு வாழ்த்துகளை தெரிவிக்கிறேன்

வாழிய செந்தமிழ்

வாழ்க நற்றமிழர்

வாழிய பாரத மணித் திருநாடு!!

நன்றி!!!